(明哥无端端打电话嚟揾我吹水,讲咗冇几句就讲起寻日选村长啲嘢。)

    我:系咪华仔赢啊?

    明哥:佢输咗喇。

    我:唔系啩,好多人撑佢口架。

    明哥:多人撑有鬼用咩,啲人平时都系华仔华仔噉叫佢,写票嗰阵就写王华仔。

    我:噉有咩问题啫?

    明哥:败就败在佢个真名叫王国华呢,所以写王华仔嗰啲票全部都无用。

    我:噉梗系杰生赢喇,佢个名咁简单,之前又请咗咁多人食饭。

    明哥:就系衰在请人食饭。请咗嗰啲唔一定选佢,冇请嗰啲就一定唔选佢。

    我:噉到底边个赢啊?

    明哥:之唔系贼头光啰。

    我:唔系啩,佢份人咁贱格都有人选?

    明哥:就系够贱格先至选到做村长。寻日佢扮晒好人噉帮嗰啲唔识字嘅师奶写票,全部写晒自己个名。

    我:噉都得?噉是但揾个识字嘅都做到村长啦!下次我哋又去选啰。（求无欲）